Source of text - Sankeerthanangal-Vol-1

Song text

നവ്യമാമൊരു ഗാനം

നവ്യമാമൊരു ഗാനം ഭവ്യനൂതനരാഗം
വിശ്വമണ്ഡലമാകെയൊന്നായ്, പാടുവിൻ യശസ്തവം; (2)
സാനന്ദം വരിക തൻ അങ്കണം പൂകൂ നിങ്ങൾ
പാവനം പ്രഭുനാമം പൂജിത ശ്രീകരമാക്കൂ. (2)
മോടിയിൽ പുതുവസ്ത്രം അണിയുവിനങ്കണമേറാൻ
പാരെല്ലാം പ്രഭുവിനെ വാഴ്ത്തുവിൻ പുളകാന്വിതം.
ഭൂമിയെ ദൃഢതരം സ്ഥാപിച്ചോരധിനാഥൻ
ലോകശാസനം ചെയ്‌വു ഇന്നുമെന്നുമധീശൻ
നീതിപാലകനീശാ വിശ്വവിധായക നാഥാ
ഏകുന്നു ജയാരവം അംബുധിയഗാധമാകവേ (2)
അംബരമവനിസമേതം താഴ്‌വരഗിരി നിരപോലെ
ആടുന്നു പുളിനങ്ങൾ ആനന്ദ നർത്തനങ്ങൾ (2)
പാരിതിൽ വിധിപോലെ നീതിചെയ്യുവതിന്നായ്
ന്യായപാലകനീശൻ വന്നിടും ഇനി ഭൂവിൽ
ന്യായസത്യസമേതം നീതിഭാവനധീശൻ
രാജശാസനം ചെയ്യും ഭൂതലേ പ്രഭൂവീശൻ 
ആദരാഞ്ജലിയോടേ സാർവലൗകിക ജനമേ
പാടുവിൻ യശോഗാനം പാവനമീശ്വര നാമം (2)
[നവ്യമാമൊരു ഗാനം ഭവ്യനൂതനരാഗം
വിശ്വമണ്ഡലമാകെയൊന്നായ്, പാടുവിൻ യശസ്തവം]